( المذاكره و طقوووسهااا ) واجب*

{ ,,

مســـآآئكــمــ دفـــا في بــرد الشتــاء

أحوااالكمــ .؟؟ عساكمــ مبسوطين وراضين يارب ^_^

اممم هذا واجب تدويني ممرر لي من الطالبة الدافوره هذيـــان

س1: ما هو الطقس الذي تفعله عندما تذاكر؟

والله انا طقووسي غريبه شووي …اهم شي اكون جالسه على كنبة او ع الأرض عادي، اهم شي جالسة.. وعندي اقلام الوان واشكال اخطط فيها وفيه ثلاثة حاجات ضرووري تكون متوفرة مثل اللي بالصورة ولا مستحييل اذاااكر << احلللفي

اول شي التلفون يكون جنبي ، لحظه لحظه لاتطالعون فيني كذا مو عشان السوالف و الهذر لالااا عشان اشيك ع البنات وين وصلوا بالمذاكره !!؟

واسأل اذا يبون مساعدة خخخ لا اقصد اسألهم عن شي صعب عن سؤال معين عن النفسية وهكذا… ومع شوية سوالف خخ

بس من جد هالعادة زينه وماهي زينة !! بدت فيني من الكلية .. صرت ما استغني عن التلفون او الجوال بحالة تلفونا مقطوع يعني لازم اول ما اصحى اشيك على كل البنات اشوف الاوضاع مع المادة ؟ تخوف ؟ صعبه … الخ طبعاً خبركم بنات الكليه ناايمين لا جت الاختبارات بدات السنة عندهم وبدينا نعرف موادنا وش علينا وش ماعلينا ههههه وطبعاً بيكون جنبي طول ما أنا اذاكر لاني كل ماتمر ساعة ساعتين شيكت خخخخ وصديقاتي تعودوا مثلي اذا انا ماسبقتهم هم يسبقوني لكن فيه بنات اعرفهم دوافير يؤ يؤ يايصرفوني اهلها او ماترد << من عذرهم وحده نشببه ولولا الكاشف يمكن رحت فيها بصير سنترال ارد على الكل ويضيع الوقت :/

وثاني شي .. الكوفي بكل انواعهاااا لازم اول ما اصحى كوب كوفي وهذا وانا ما اصحى بدري بس ضرووري عشان اصحصح واجلس اذاااكر و ما أكل شي لاني ما أحب أكل اول ما اصحى اخاف اتخدر وارجع انام و يذبحني الثواب بعد ما اخلص جزء كذا عشان اتطمن بس ..اقوم ابلع

ثالث شي .. مشروب الباور هورس هذا الله يسلمكم ادمنته بالسنوات الأخيرة من الدراسه الظاهر ماعاد تنفع فيني المنبهات هع وصار شي ضرووري اشربه مرتين او ثلاث باليوم !! وصارت حتى أمي تجيبه لي اهم شي بس اذاكر زين واهم شي اشربه ع السعه 3 كذا قبل الفجر لاني انا اروح مواصله فاذا ماشربته اروح فيها بالاختبار مره اذكر مااكتشفت ان مافيه غير الفجر! ومايمدي اجيب وسلمت امري لله ورحت للإختبار والله اني مدري شلون جاوبت من النعاااس اللي كبس علي

المهم نروح للسؤال الثاني لاني الظاهر ما راح اخلص هذرر خخخ

س2: متى كان أصعب امتحان مر عليك؟

امم كلهن صعبات لووولز

اذكر مره بمادة تربوية نسييت اسمها والله بس كانت كئييبه بشكل لدرجة يومها جت الساعه 2 الليل وانا ماذاكرت شي مدري وش جاني احس ماني قادرة استوعب كانت صعبه لدرجة ماتنفهم حتى !!!! المهم اتصل ع البنات اللي تقول قريتها قرايه !! اللي تقولي انا راسبه راسبه !! ومن هالتحطييييم المهم اني خلاص بكيت واتصل على اختي واشكيلها حالي لاني تأزمت بصراحه المهم تقولي خلاص اتركي الكتاب وروحي صلي واقري قران وان شااءلله تهدين وفعلاً هذا اللي صار ورحت الأختبار وانا على عمااي وتوكلت على الله بسس نجحت عاد حتى صديقاتي اللي رسبوا ماصدقوني يحسبوني اكذب عليهم واني ذاكرت زين وانا والله نعمة وفضل من ربي نزل علي

وفيه بثالث ثانوي برضه نفس الحاله صارتلي بمادة الجغرافيا وجت اختي تذاكرلي يومها نص الليل من كثر ماني قادرة اذاكر يووووه يوم اتذكره بس شوفوا الصدف كيف بالكليه دخلت قسم جغرافيا خخخ لعبة القدر

س3: ما هو أطرف فعل فعلته أيام أمتحاناتك للهروب من المذاكرة؟

امم أطرف موقف والله مافي شي محدد صار .. بس كنت اسعي اني اهرب منها بإي طريقة يعني تلاقيني لو ما أتحرك من مكاني بس اكون سرحانه واشخبط بالملازم الين تقول ياأمي ارحمييييييييني او اطقطق بجوالي العب هذيك لعبة الحيه ياقدمهااا بس اهم شي اضيع وقت ولا ضاع الوقت عاد اقوم اصيح وياويلي وماويلي خخخ

بس اذكر كنت احررم نفسي من النت بالذات ماا دخله خير شر !! قهر والله بس كنت اخاف من امي

اوكي وهذا الواجب و حليته ياهذوو يالله ابي نجمه << ابد ماتقلد

تيب الحين بمرر الواااجب لــ …. اممم

• :: FemaLe ::
• :: KaWaii GiRL ::
• :: Rose1990 ::
• :: أيـــام ::
• :: حلمي معي ::
• :: عيون الحب ::
• :: كــائن حــي ::

والاختيار كان بالقرعه عشان محد يقول وهقتيييناااا
واللي حابب يحله مافي مااانع بكل سرووور

,,, }